Red Rock|關東關西超Hit平價炙烤牛肉丼

2016年12月12日

由開張hit 到而家嘅Red Rock主打牛肉飯,點解可以保持高人氣咁耐?咪就係因為又平又好食!

 

店內食物選擇其實唔多,主打最受歡迎就係炙烤牛肉丼(ローストビーフ丼),一件疊一件嘅牛肉仲帶住新鮮嘅粉紅色,最上面仲有流心蛋,牛肉嫩滑唔乾身,正!而白飯加埋蛋汁同店家自製嘅醬汁,都一樣咁好食!

Image result for red rock osaka

(上圖是大盛,牛肉堆到成座小山咁><)

除左炙烤牛肉,另一個選擇就係大大件牛排飯,Red Rock價錢唔貴,但用料十足,牛排份量足夠蓋滿飯面,加埋黑椒一齊食夠哂香口,不過就冇左流心蛋汁送飯,食邊款真係好難揀!

Image result for red rock osaka

Red Rock仲有黑毛和牛丼,價錢貴其他丼飯差唔多一倍,小編冇試黑毛和牛丼(因為普通嘅已經好好味!),大家有興趣都可以試試,睇下和牛口感會唔會特別唔同。

 

價錢方面,關西同關東嘅丼飯價錢有少少唔同,關東相對上貴少少,飯嘅份量都有普通同大盛可揀,如果正常食量點普通已經足夠,但如果比較大食同想食多兩片牛肉,都可以揀大盛。

 

關東價錢表: http://www.redrock-kobebeef.com/menu_east.html

關西價錢表: http://www.redrock-kobebeef.com/menu_west.html

 

另外因為Red Rock極受歡,而家已經有9間分店,神戶、大阪、京都、東京、名古屋、福岡都有分店,詳細地點及交通我上Red Rock官網:

http://www.redrock-kobebeef.com/shopinfo.html