TravelLiker四格漫畫正式登場:東大寺.貓VS鹿

2015年9月23日


【同場加映:香港有馬騮山,日本都有個鹿縣 – 奈良遊記】

講到奈良,對中意旅行既人黎講,第一個聯想一定係諗周街都係鹿。傳說話:「創見春日大社的藤原氏曾看見天神騎著一頭白色的神鹿降臨從此鹿就成為了「神的使者」」。

 

當地人對呢班鹿呵護有加,久而久之,當地既鹿不但之唔怕人,仲會主動「親近」啲人,一見到啲拎住食物既人,就會成群結隊擁過黎,向你……的食物「埋口」。

 

奈良東大寺附付的鹿已經同當地人和諧共存,附近街上的鹿群走黎走去。

 

沿路上都不乏見到一擋擋小販賣緊專俾遊人喂飼鹿隻既食物 – 鹿仙貝,一包10片大約150円。

 

基本上,只要你將鹿仙貝係手上搖晃,周圍既鹿就會聞「貝」色變,一擁而上!令你瞬間以為自己係萬人迷,受萬民擁戴,當你手上既鹿仙貝被搶奪一空後,鹿群見再冇野食就離你以去,嗰種「打完齋唔要和尚」既感覺直上心頭。但係如果大家諗住一包仙貝分幾個地方幾次去喂飼既話,勸大家唔好咁做,因為啲鹿見你有食物都唔俾佢地食,佢地就會「親近」你,用口咬你,什至輕微撲向你,令你企唔穏,所以都係要一次過喂哂佢地,免得意外發生。

 

到處都警告牌提醒大家「奈良公園的鹿屬於野生動物,有時會攻擊人,所以請注意安全。」可見奈良既鹿並唔係善男純女。

 

眼前就係東大寺,入去之前一定要洗乾淨對手。

 

東大寺係現㫢世界上最大既木造建築物,大佛像嚴肅莊嚴。

 

除左佛像著名外,另一著名景點就莫過於樑柱下既小洞,相傳只要穿過呢個小洞就會受到祝福,但係相信只有小朋友先可以穿得過去,因為真係好細。

最後,大家如果仲有時間,離開東大寺可以行跟過去春日大社去參觀一下。

Facebook:https://www.facebook.com/TravelLiker/posts/998017560218260

【更多TravelLiker四格漫畫】