美食推薦 大阪心斎橋魚心壽司 抵食大件超新鮮

2017年1月11日

美食推薦 大阪心斎橋魚心壽司 抵食大件超新鮮

有人話去大阪唔好食壽司,因為質素麻麻,但小編覺得去日本唔食下最愛嘅壽司,點對得住係香港都要走去食嘅自己!

其實大阪心斎橋一帶都有好幾間有名嘅壽司店,例如以平出名嘅大起水產同元祖回轉壽司店元祿,但因為出名一到食飯時候就超多人排隊。所以今次推薦嘅係半隱藏版壽司店 --- 魚心壽司!

魚心壽司

魚心壽司賣點係大大份嘅握壽司,唔係飯多而係魚生份量超多!叫佢半隱藏版,係因為有唔少台灣Blogger都做過介紹,但相對其他名壽司店,佢係遊客心中唔算好有名氣,換句話說咪就係唔洗排咁耐隊囉!今次去大阪小編食左兩次(因為太好食…),食飯時候去都只係等左唔洗10分鐘就有得食啦!

魚心壽司

魚心壽司店面唔算大,入去左手邊係吧台,師傅會係入面即製手握壽司,右邊就係卡位。入面附有中英文餐牌連圖,唔驚唔識叫。

魚心壽司

睇餐牌都感到份量十足,而且價錢唔貴!見到實物更加覺得份量驚人,而且非常新鮮,唔會因為量多而影響質素!!

魚心壽司

多到漏出黎嘅三文魚子

魚心壽司

有兩層嘅厚切吞拿魚

魚心壽司

肥美嘅大大條鰻魚

魚心壽司

全部都大大件!

魚心壽司

重點黎啦!成板上嘅海膽壽司! 極鮮甜仲要平黑門多多聲,只要1400日圓

 

魚心壽司係可以單叫一件,將餐牌價錢除2就可以,即係一件鰻魚壽司只需要500日圓,想試多幾款可以單叫,但記緊要同服務員講清楚,唔係佢會直接幫你落一客兩件。

 

因為食完依然念念不忘魚心壽司,到臨走個日又去食多次!午餐比晚餐多左壽司定食可選,依然係極抵食

魚心壽司

魚心壽司

最平700日圓有交易,但壽司份量冇咁大,不過勝在抵食,仲可以試多幾款壽司。

 

魚心壽司心齋橋店就係千日前商店街內法善寺橫丁對面的小巷,一轉入去就見到招牌,轉出大路就見到一蘭同有名嘅大阪燒店美津の大阪燒,算十分易搵。

魚心壽司

番黎搵資料先發現魚心壽司有幾間分店,京都同神戶都有,但見最多人推薦就係心斎橋店,附上官網大家可以上去睇睇: http://www.ajibil.com/uoshin/

魚心壽司

地址: 大阪市中央区千日前1-7-9

營業時間: 12:00 ~ 24:00
 

延伸閱讀

$100左右就食到|大阪難波平價燒肉放題