馬來西亞行行程攻略: 馬六甲-聖地牙哥城堡

2015年1月19日

馬來西亞自由行行程攻略,嚟到位於馬六甲嘅聖地牙哥城堡。聖地牙哥城堡喺馬六甲最重最堅固嘅城堡,位於馬六甲河口聖保羅山上,由16世紀初期葡萄牙人所建築,當時號稱東南亞最大同最堅固嘅城堡。城堡依山而建、地勢險要、全部都用巨石所砌成,而且仲用葡萄牙嘅保護神—聖地牙哥嚟命名。

馬來西亞馬六甲聖地牙哥城堡

興建後150年之間,城堡不斷受到多次攻擊,但仍然屹立不倒。最後,英國人用重炮徹底摧毀呢座寧死不屈的石頭城。

馬來西亞馬六甲聖地牙哥城堡

時至今日,聖地牙哥城堡就只剩下一座城門倖免於難,當地人將佢稱為“沒有牆的城門”。

馬來西亞馬六甲聖地牙哥城堡

1509年,葡萄牙人向馬六甲蘇丹提出分享獲利頗豐嘅香料同瓷器交易,蘇丹當時拒絕咗葡萄牙人無理嘅要求。到咗1511年,葡萄牙人捲土重來,用武力侵佔馬六甲。葡萄牙人喺聖保羅山的山腳建造咗法摩沙堡,用嚟保衛佢地嘅財寶。呢座堡壘建於1512年,建造者喺阿爾方索·德·阿爾布卻庫(Alfonso de Albuquerque)。

馬來西亞馬六甲聖地牙哥城堡

法摩沙堡後嚟都幾乎被荷蘭人徹底摧毁,得番山上一小部分嘅要塞。喺法摩沙堡位置可以俯望馬六甲市、舊港口同馬六甲海峽。

 

資訊

地址:A' Famosa, Jalan Kota, Bandar Hilir, Melaka

 

交通:

路線 - 巴士
起點: Melaka Sentral Terminal
乘 Panorama Bus(藍線或紅線)前往。