新加坡自由行攻略旅程: 新加坡聖淘沙島炮兵大道8號 - 新加坡環球影城, 亞洲第二座環球影城

2015年1月5日

新加坡自由行攻略旅程,第一站梗喺去坐落於新加坡聖淘沙島炮兵大道8號嘅新加坡環球影城啦!新加坡環球影城喺2010年3月18日開試營運,並且喺2011年5月28日正式開幕,僅次於日本大阪後亞洲第二座環球影城。

影城一共分7個主題區:好萊塢、紐約、古埃及、失落的世界、馬達加斯加、遙遠王國、科幻城市。

新加坡環球影城

入到大門,第一個主題區喺好萊塢,仿照美國經典好萊塢大道,大道上有好多不同類型嘅禮品商店,而且路上周不時會有一啲人扮公仔主動同遊客合影。

 

新加坡環球影城

然之後就去睇史力加4D,效果非常震憾。

 

新加坡環球影城

馬達加斯加主題區,小朋友嚟到一定會好開心。

 

新加坡環球影城

喺未來水世界主題區,每日都有特定嘅表演時間,而且演員表演得好專業,成場表演都精彩刺激。但係要注意嘅喺如果當日天氣唔好,有關表演可能會臨時取消。

 

新加坡環球影城

木乃伊後邊喺一個室內過山車,大家不妨入去玩吓。

 

新加坡環球影城

呢個過山車分為藍、紅兩條線,藍色線路比紅色線路刺激,遊客可以根據自己嘅情況嚟選擇邊一條線路。唔喺講笑,藍色條線真係堅刺激。

 

新加坡環球影城

最後去睇變形金剛4D電影,呢個唔係一套電影咁簡單,佢係可以令你置身其中,喺摩天大樓上跳嚟跳去,同其他敵人戰鬥,真係又刺激又難忘。

 

新加坡環球影城

新加坡環球影城絕對係新加坡之旅必去嘅景點之一,如果唔想咁逼,大家可以選擇閒日去玩,包你玩唔停手。

 

資訊

地址:新加坡聖淘沙島炮兵大道8號

開放時間:10:00 – 19:00

門票 :SGD 74(成人),SGD54(兒童)