台灣自由行攻略行程: 台北近效-陽明山, 欣賞大自然, 二子坪, 小油坑, 冷水坑, 擎天崗

2015年1月23日

台灣自由行攻略行程,今次我地準備出發去台北市近效嘅陽明山。溫馨提示一下,出發前大家可以去附近既7-11買一張,因為方便搭車之餘又有換乘優惠。

台灣台北九份基山街

買完悠遊卡,就可以起程出發去陽明山了!

坐108公車去到陽明山總站,一踏出車外,新鮮嘅空氣直衝入鼻腔內,真係忍唔住吸多幾啖空氣。太清爽啦!

台灣台北九份基山街

走上二子坪道,發現有唔少公公婆婆喺到晨運,而二子坪道仲設無障礙通道,坐輪椅人士都可以喺到活動一下!走咗大約半個鐘,我地終於行到二子坪休閑區。

台灣台北九份基山街

坐左一陣我地就向下一個景點出發就喺-小油坑!

台灣台北九份基山街

陣陣充滿硫磺味嘅熏煙不斷從山噴出來。

台灣台北九份基山街

行近啲睇,仲可以睇到啲鮮黃色嘅硫磺!感覺真係奇特。行到有啲餓可以試下小油坑嘅特色小食,台語叫“瓦歸”。

台灣台北九份基山街

呢一碗就係瓦歸,味道唔錯,而且唔貴!食完坐左下之後,又起程去一個景點,就係“冷水坑”。

台灣台北九份基山街

唔好聽到有冷水兩個字就以為係凍水,其實“冷水坑”係一個溫泉,免費開放俾人浸腳。

台灣台北九份基山街

嗯…大家一齊浸腳,感覺真係好有趣。你可能會好奇問“點解係溫泉,又叫做冷水坑呢?”呢個可能係佢嘅水溫比一般溫泉低,所以有咁嘅稱呼。

浸完對腳之後就係時候出發去最後一個景點—擎天崗。

台灣台北九份基山街

一條上山嘅樓梯,佈滿石春,美觀得黎又可以起到緩衝嘅作用,一舉兩得!

台灣台北九份基山街

然之後就係行一條石春平路,睇個景幾靚!

台灣台北九份基山街

最後,終於行到上山,坐係擎天崗草原上,望住咁靚既夕陽!真係冇得嘆!

 

資訊

各項查詢,請查看以下官網:http://www.ymsnp.gov.tw/index.php?option=com_content&view=article&id=868&Itemid=158