台中最美日落之地 - 高美濕地

2015年10月16日

台灣不同地區都有自己的最佳日落觀賞點,台北可能係淡水;台南可能係鹽田;墾丁可能係關山,而台中就一定係高美濕地。

高美濕地佔地約300公頃,係一個非常遼闊的濕地區,一排大型風車可以話係高美濕地的地標。其實日落前的風景都已經好靚,因為天空好藍好廣闊,環境好寫意舒服。呢度仲可以見到好多蟹仔同彈塗魚。
 

http://2.bp.blogspot.com/-_vqJofuXPFo/Vg1v0Lzn2UI/AAAAAAAAFkY/gSsDj8TCxaM/s640/DSC06259.JPG
 
 
 


唔少人都會黎呢度一邊玩水,一邊等日落。大家要注意呢度都幾大風,帶件外套好少少。
 

 
 


到真係日落時,人超多。見到好大個太陽發出金黃色的光,好靚好靚!總覺得在有水的地方睇日落係特別靚,海同日落係perfect match。仲加埋風車,好有意境啊!!睇到個太陽完完全全消失先捨得走。(我見到網上既人影個d相好靚好靚,個天空仲會變左紫色,但我睇唔到亦影唔到......大家可以上網睇下)
 

 
 


大家黎的時候,記住唔好破壞生態環境,唔好捉濕地上的蟹仔,要愛護環境啊。
 


高美濕地
地址:台中市清水鎮大甲溪出海口
交通:從台中火車站出發,搭火車或客運169號到清水站,再轉搭客運178或179號往高美班車於高美濕地下車。

來源:少女旅行日記