台灣自由行攻略行程: 台南市白河區-關子嶺溫泉, 台灣著名的泥漿泉

2015年1月20日

台南自由行攻略行程,來到台南市白河區嘅關子嶺溫泉,閞子嶺溫泉喺台灣著名嘅溫泉之一。佢有別於一般溫泉,因為佢喺全台灣唯一嘅泥漿泉,亦都喺世界少有嘅溫泉類型,所以台南嘅朋友一定唔可以錯過關子嶺溫泉。

台南市白河區關子嶺溫泉

穿過一條傳統型屋頂走廊,走入其中一間湯屋,喺更衣室換完衫之後,就可以試一試全台灣唯一嘅泥漿泉。真喺好期待!

台南市白河區關子嶺溫泉

望向溫泉,層層蒸氣喺溫泉面上浮現。

台南市白河區關子嶺溫泉

走近其中一個溫泉池,泉水初時望落去真係好似泥漿,點解會咁?原來相傳日本人喺1889年發現咗關子嶺溫泉,泉質屬於弱鹼性嘅碳酸氫鈉泉。據說泥泉已喺地層入面蘊釀多年,因為泉水上升過程中經過泥岩層而挾帶大量泥漿,形成少見嘅濁泉,跟日本鹿兒島同義大利西西里島嘅溫泉齊名。

除咗水質形態似泥漿,佢嘅功效都不容忽視。水質細滑,呈碳酸性,溫度大約75℃間,多為泥漿,所以千萬唔好飲用。相傳具有美容功效,吸引好多貪靚嘅女遊客專承過黎浸一浸,而且會將泥漿搽均全身。有啲公司將泥漿泉製造成不同類型嘅美容産品,而且鎖量都唔錯。

浸咗一陣之後,上番水面嘅時候,發現皮膚真係滑左,而且精神都好咗,睇黎相傳嘅功效都真喺有根有㯫。

台南市白河區關子嶺溫泉

如果浸到肚餓或姐想留多少少時間係到,溫泉附付有各式各樣嘅飯店,飯店一般都提供住宿服務,房內大部份都會設有溫泉浸泡浴缸,俾大家想幾時浸都得。

關子嶺溫泉真係一個十分值得去嘗試地方,特別喺溫泉愛好人士,記得嚟到台南,不妨去浸一浸。

 

資訊

地址:台南市白河區東北郊枕頭山

 

電話:(06)682-2344

 

交通:雖位於台南市,但因距市中心甚遠,故於地理位置較近的新營區或外縣市的嘉義市轉乘較為便利,班次亦較多。

1.搭高鐵至嘉義站下-轉搭其他大眾運輸工具。

2.搭臺鐵至新營站下-轉搭新營客運(往關仔嶺)至關子嶺站下。

3.搭臺鐵至嘉義站下-轉搭嘉義客運(往關子嶺)至關子嶺站下。