越南自由行攻略行程:越南河內市 - 還劍湖

2015年2月28日

越南自由行攻略行程之旅,嚟到位於越南河內市嘅還劍湖,還劍湖已有一千多年嘅歷史,一直伴隨住越南河內人嘅生活同心靈,佢嘅美景成為越南各地藝術家嘅創造靈感來源。

還劍湖原名叫綠水湖。喺15 世紀初,越南開國皇帝黎太祖帶領軍隊抵抗中國明朝軍隊侵略。相傳軍隊路過呢個湖嘅時候,湖中有一隻神龜,將一把刻有「順天」二字嘅寶劍借俾黎太祖一用。黎太祖用寶劍,擊退了明軍,創立大越國。黎太祖登基後,就乘坐小船嚟到湖中心,將劍還俾神龜,並將此湖以「還劍湖」名命。

湖上有一座橋叫棲旭橋,橋喺1885年建設,全用木頭所做,有紅豔豔的顏色、連接湖岸和玉山祠。

玉山祠建於十八世紀黎朝末年,中式古建築,祠內供奉關帝,呂祖、陳興道和文昌帝君等。除玉山祠外,喺河內市周圍行嘅時候,會不經意地發現好多具有中國傳統風格嘅祠廟。

 

資訊

地址:越南河內市還劍湖區的中心

 

交通:路線 - 巴士2、9、14 號巴士可到還劍湖區