秋天可以說是最適合旅行的季節，氣候舒適怡人，趁著好天氣去台中來個三日兩夜的短旅行，呼吸新鮮空氣以及享受台灣特有的慢生活吧！
除左國立傳統藝術中心外，另一個想推介既宜蘭景點就係幾米廣場公園。我諗好多人都有睇過幾米既繪本，我細個都好鍾意睇，鍾意佢七彩繽紛的畫風同埋簡潔溫柔的文字。宜蘭火車站外就係一個幾米的世界，好多繪本裡面既場景都變成實景出現，好似走左入繪本裡面！
我去個時係夜晚，但我絕對建議大家都係日頭黎，因為呢個景點係影相為主，夜晚的確失色不少，好難影到靚相。大家睇落去就會明白。
宜蘭火車站的入口係一個森林風的設計，那長頸鹿是＜走向春天的下午＞裡的角色。大家準備好走入童話世界了嗎？
火車站對面有個鐵樹森林，樹頂吊住架星空列車，係繪本＜星空＞裡面架列車！！好靚呀！！雖然頭先話建議大家日頭黎，但矛盾既係呢個場景要夜晚睇先夠靚，因為夜晚列車周圍既吊燈先會開，好夢幻！！呢個都係成個幾米廣場公園我最鍾意既場景，列車裡有個興奮的小朋友伸個頭出黎，有一種列車會載住夢想向前進發的興奮感覺。
之後一路向前行會有個獨立場景，就係＜星空＞裡的兩個小朋友一齊在車站等車的情景，好可愛。
過返對面就係一個大型少少既公園，將＜向左走向右走＞、＜地下鐵＞等繪本場景一次過呈現大家眼前，好多影相位。另外又有幾米繪本故事介紹同耳熟能詳的經典金句。公園好繽紛，好童話，不願長大的少男少女們應該都會好鍾意呢度。（係咪都係覺得日頭黎會好d呢？）
呢度原本係廢棄左既鐵路局宿舍，最後重新設計改建成幾米公園。點解人地台灣既重建同香港既重建爭甘遠架呢？人地係將d真係荒廢左既建築物重新設計成有意思有吸引力既地方，香港呢就係夾硬拆人地原本好地地既野唔知整d咩垃圾出黎......
雖然總括黎講幾米廣場公園唔係好大，不過慢慢睇下影下相，都可以消磨到一個鐘既。最重要係七彩繪本世界的氣氛好歡欣啊。
去完幾米廣場公園之後，仲去左宜蘭一個比較出名既夜市－羅東夜市。呢個夜市既格局同台灣大部份夜市都一樣甘濟，食野為主，周圍有d小店小攤檔賣d唔太吸引既東西......同埋好多人。而羅東夜市最特別係佢賣既野食同一般台北夜市賣既唔同，因為呢度係宜蘭麻，宜蘭最出名既係三星蔥，所以整個夜市都充斥三星蔥食物，有三星蔥肉串、三星蔥烤餅、三星蔥大阪燒......但問題係少女唔鍾意食蔥......所以對住一埋綠色的蔥蔥蔥真係冇咩胃口。至於其他野食都......總之整體感覺同台北唔同，唔會有大腸包小腸、鹽酥雞個d，想試特別既就好岩黎羅東夜市！我最後亂買左一堆野返民宿食，都OK既。
如果大家想一日去曬國立傳統藝術中心、幾米廣場公園同羅東夜市，最好的路線係幾米廣場公園＞國立傳統藝術中心＞羅東夜市。因為後面兩個地方都屬於羅東鎮，所以應該放埋一齊去。宜蘭的介紹就到這裡，下次再去的話應該會以溫泉同住靚民宿為重點！
幾米廣場公園
地址：宜蘭縣宜蘭市光復路1號（宜蘭火車站）
開放時間：24小時
入場費：免費
羅東夜市
地址：宜蘭縣羅東鎮民生路、民權路、公園路、興東路（羅東火車站）
開放時間：18:00-00:00
來源：少女旅行日記
秋天可以說是最適合旅行的季節，氣候舒適怡人，趁著好天氣去台中來個三日兩夜的短旅行，呼吸新鮮空氣以及享受台灣特有的慢生活吧！
氣溫急降，又是去浸溫泉的最佳時機！位於台北的北投溫泉交通方便，有捷運直達，非常適合一日遊或兩日短旅程，是冬天去台北自由行不錯的浸溫泉路線。現在跟著小編推薦的散步路線，認識一下這個在台北的溫泉鄉---北投！
喜歡台南，因為當地的美食，亦因爲台南特有的慢生活態度，隨便在街上亂逛，找一間咖啡店下午茶聊天，享受慢悠悠的一天。跟著以下的散步路線，放慢旅行步伐，好好感受一下台南的大街小巷，美食及歷史吧。
秋天可以說是最適合旅行的季節，氣候舒適怡人，趁著好天氣去台中來個三日兩夜的短旅行，呼吸新鮮空氣以及享受台灣特有的慢生活吧！
氣溫急降，又是去浸溫泉的最佳時機！位於台北的北投溫泉交通方便，有捷運直達，非常適合一日遊或兩日短旅程，是冬天去台北自由行不錯的浸溫泉路線。現在跟著小編推薦的散步路線，認識一下這個在台北的溫泉鄉---北投！
喜歡台南，因為當地的美食，亦因爲台南特有的慢生活態度，隨便在街上亂逛，找一間咖啡店下午茶聊天，享受慢悠悠的一天。跟著以下的散步路線，放慢旅行步伐，好好感受一下台南的大街小巷，美食及歷史吧。
新加坡自由行攻略旅程，首選當然是新加坡聖淘沙島炮兵大道8號的新加坡環球影城啦！
韓國自由行攻略行程，呢一站黎到首爾嘅明洞，明洞喺首爾其中一個最著名嘅購物街。街上嘅店鋪以售賣各類護膚品同時裝等，可以話喺女士去到首爾必去嘅地方。明洞人流量非常誇張，可以高逹過百萬人流量一日。