台灣自由行攻略行程: 台北近效-陽明山, 欣賞大自然, 二子坪, 小油坑, 冷水坑, 擎天崗
台灣自由行攻略行程，今次我地準備出發去台北市近效嘅陽明山。溫馨提示一下，出發前大家可以去附近既7-11買一張，因為方便搭車之餘又有換乘優惠。
買完悠遊卡，就可以起程出發去陽明山了！
坐108公車去到陽明山總站，一踏出車外，新鮮嘅空氣直衝入鼻腔內，真係忍唔住吸多幾啖空氣。太清爽啦！
走上二子坪道，發現有唔少公公婆婆喺到晨運，而二子坪道仲設無障礙通道，坐輪椅人士都可以喺到活動一下！走咗大約半個鐘，我地終於行到二子坪休閑區。
坐左一陣我地就向下一個景點出發就喺－小油坑！
陣陣充滿硫磺味嘅熏煙不斷從山噴出來。
行近啲睇，仲可以睇到啲鮮黃色嘅硫磺！感覺真係奇特。行到有啲餓可以試下小油坑嘅特色小食，台語叫“瓦歸”。
呢一碗就係瓦歸，味道唔錯，而且唔貴！食完坐左下之後，又起程去一個景點，就係“冷水坑”。
唔好聽到有冷水兩個字就以為係凍水，其實“冷水坑”係一個溫泉，免費開放俾人浸腳。
嗯…大家一齊浸腳，感覺真係好有趣。你可能會好奇問“點解係溫泉，又叫做冷水坑呢？”呢個可能係佢嘅水溫比一般溫泉低，所以有咁嘅稱呼。
浸完對腳之後就係時候出發去最後一個景點—擎天崗。
一條上山嘅樓梯，佈滿石春，美觀得黎又可以起到緩衝嘅作用，一舉兩得！
然之後就係行一條石春平路，睇個景幾靚！
最後，終於行到上山，坐係擎天崗草原上，望住咁靚既夕陽！真係冇得嘆！
資訊
各項查詢，請查看以下官網：http://www.ymsnp.gov.tw/index.php?option=com_content&view=article&id=868&Itemid=158
相關內容更多>
浸溫泉不一定要到日本！在台灣，也有不同的特色溫泉等待你去嘗試。被稱作台灣4大溫泉區之一的關子嶺溫泉，是全台唯一一個的「泥質溫泉」。在台灣吃喝玩樂之餘，不妨到訪關子嶺溫泉，好好放鬆一番。
台南自由行攻略行程，今朝黎到嘉南平原東部西拉雅國家風景區(名稱源自昔日分佈此區的臺灣原住民西拉雅族)，何解要一大清早就走去西拉雅國家風景區這個地方呢？究竟有咩吸引之處？原來西拉雅國家風景區係全台灣最低海拔觀看日出同雲海嘅地方。
編輯精選更多>
韓國自由行攻略行程，呢一站黎到首爾嘅明洞，明洞喺首爾其中一個最著名嘅購物街。街上嘅店鋪以售賣各類護膚品同時裝等，可以話喺女士去到首爾必去嘅地方。明洞人流量非常誇張，可以高逹過百萬人流量一日。
