日本 - 那須羊駝牧場,草泥馬粉絲唔黎就後悔一世
今次日本自由行攻略,黎到人氣最高既明星級動物居住既牧場 –那須羊駝牧場,羊駝可能未必人人都識,但係一講係「草泥馬」,你一定會記起佢好搞笑同傻氣十足既樣。如果你好鐘意「草泥馬」既話,咁今次介紹景點,絕對會令你大聲尖叫,電話肯定影相影到電都無哂!那須羊駝牧場內一共有400幾隻羊駝,有專人管理。如果羊駝太胖既話,會有體重控制,確保每一隻都健健康康。
牧場附近有一個紀念品店。
地圖十分清晰易明,而且風格十分可愛!除羊駝外,仲有小馬同鴕鳥可以睇。
出發前,導遊會向大家講述一啲注意事項,例如羊駝係可以餵食,但只限售賣機既飼料;
而且唔好見到羊鴕咁得意就走去摸吓佢地個頭,因為佢地可能會因為唔鐘意而發脾氣;千萬唔好企係佢地後面,有可能俾佢地既後腳踢親。最後,唔好做一啲「驚恐」既動作,會嚇親佢地,因為佢地比你仲細膽。
出發啦!
沿途都會有小路牌,講述有關羊駝既小知識。
200日元就扭到一份飼料,扭蛋造型,十分有趣!
見到草泥馬啦!!
睇完一輪羊駝可愛既硬照後,唔夠喉可以睇埋以下片條!
影片來源:https://www.youtube.com/watch?v=I7WqC_Yky1Y
資訊
地址:栃木県那須郡那須町大字大島1083
電話:0287-77-1197
開放時間:10:00 – 16:00 (休息日:星期四)
入場費用:800日元
官網:http://www.nasubigfarm.com/index.shtml
相關內容更多>
伊勢志摩是日本本州中部城市,鄰近大阪,除了商業發達,伊勢志摩地區同時是發展農業,產稻米及蔬菜,沿岸的漁業及水產養殖業亦十分發達。因此來到伊勢志摩,除了參觀伊勢神宮等著名景點,一定不可以錯過品嘗當地的美食!
京阪神為讓遊客可以享受到自由上網的環境,阪急阪神控股集團從2013年12月21日起,開始了[HANKYU-HANSHIN WELCOME Wi-Fi]這一免費無線服務.
編輯精選更多>
韓國自由行攻略行程,呢一站黎到首爾嘅明洞,明洞喺首爾其中一個最著名嘅購物街。街上嘅店鋪以售賣各類護膚品同時裝等,可以話喺女士去到首爾必去嘅地方。明洞人流量非常誇張,可以高逹過百萬人流量一日。