蓄錢更開心！日本熊本熊錢罌！

今時今日有幾多人既屋企仲會放一個錢罌？就算有，大部份人都係因為細個既時候買番黎，跟住就放係一個地方唔理。可能大家會覺得錢罌又唔大又阻掟，啲錢都會放係銀行到，試問咁樣仲點會有衝動去買錢罌呢？

近日，日本就出左一款熊本熊錢罌，外形係紙皮箱設計，當你放一個硬幣係白色位置上面既時候，神奇既事即將發生，「紙皮箱」入面隻熊本熊就會靜靜雞伸個頭同隻手出黎，隻手就會將你既硬幣拉入箱中。如果以為只係一件玩具的話，就大錯特錯，佢可以裝到40枚500円硬幣，係一個真真正正既錢罌。

以後啲散紙，除左揾個罐黎裝之外，而家就有熊本熊幫你儲起。呢個錢罌係日本大型百貨yodobashi有得買，每個1990 円，港幣約$130。除熊本熊之外，仲有其他卡通款式。如果大家有係日本亞馬遜買過野，呢個錢罌亦有係日本亞馬遜有得賣，不過價錢就貴過yodobashi，每個3800円，港幣約$260，大家可以上去睇一睇。

【TravelLiker's Facebook】