台中最美日落之地 - 高美濕地

 

台灣不同地區都有自己的最佳日落觀賞點，台北可能係淡水；台南可能係鹽田；墾丁可能係關山，而台中就一定係高美濕地。
更多推薦行程：台中高美濕地共乘車

台中高美濕地、鹿港一日拼車/包車遊

高美濕地佔地約300公頃，係一個非常遼闊的濕地區，一排大型風車可以話係高美濕地的地標。其實日落前的風景都已經好靚，因為天空好藍好廣闊，環境好寫意舒服。呢度仲可以見到好多蟹仔同彈塗魚。

唔少人都會黎呢度一邊玩水，一邊等日落。大家要注意呢度都幾大風，帶件外套好少少。

到真係日落時，人超多。見到好大個太陽發出金黃色的光，好靚好靚！總覺得在有水的地方睇日落係特別靚，海同日落係perfect match。仲加埋風車，好有意境啊！！睇到個太陽完完全全消失先捨得走。（我見到網上既人影個d相好靚好靚，個天空仲會變左紫色，但我睇唔到亦影唔到......大家可以上網睇下）

大家黎的時候，記住唔好破壞生態環境，唔好捉濕地上的蟹仔，要愛護環境啊。

高美濕地
地址：台中市清水鎮大甲溪出海口
交通：從台中火車站出發，搭火車或客運169號到清水站，再轉搭客運178或179號往高美班車於高美濕地下車。

來源：少女旅行日記

---