漏咗野？唔緊要！11件係酒店借到的物品

 

去旅行執漏一兩件野其實都好平常，如果某件野要用到但又冇帶，咁點算呢？又話姐怕重怕唔見，可以係預訂酒店嘅時間，打去你將會入住嘅酒店查詢。而家好多酒店都提供外借服務，一齊睇下有咩大家可以向酒店借番嚟！

 

1. 冇帶「萬能」旅行轉換插？

所謂「飯可以唔食，電一定要充」，旅行時如果手機冇電，分分鐘鐘嚴重過冇飯食。所以一個「萬能」轉插係旅行隨身法寶之一，但係冇帶又點算好呢？唔緊要，酒店一般都會有轉換插外借，方便世界各地旅客借用。

 

2. 枕頭唔啱瞓？

如果酒店房入面預設嘅枕頭唔啱瞓，可以向酒店要求換個適合自己嘅枕頭。

 

3. 想曲髮直髮點算？

除咗風筒之外，有啲酒店更會提供捲髮和直髮器借租，方便旅客髮型需求。

 

4. 想自駕遊？

唔想去到外國都逼巴士地鐵？有啲高級酒店會提供租車服務，各類汽車都有得借嚟揸。

 

5. 係酒店房做瑜伽？

夜晚想做下瑜伽，打個電話俾前台，借番張瑜伽墊咪得囉！

 

6. 死火！條褲「爆呔」！

「爆呔」冇由怕，酒店幫到你！大部份酒店都可以借到針線包俾你！

 

7. 想剃鬚？！

部分酒店都會提供剃鬚膏，除此之外，仲可以試問酒店職員借漱口水同牙線。

 

8. 旅行都要油靚甲

女士們如果想係旅行時轉一轉指甲油顏色，試下問酒店借洗甲水啦！

 

9. 收納好幫手：密實袋

Check Out前，叫酒店俾啲密實袋你，裝好自已啲衫同雜物！

 

10. 一家大細夜晚晚唔出房有咩好玩？

仲玩電話？？不如試下問酒店拎啲棋牌遊戲，一家大細玩餐飽啦！

 

11. 突然想挑戰自已！冇帶GoPro點算？

雖然現時唔多酒店有提供GoPro租借，但係臨時想要不妨問下酒店！或姐係預定酒店時，打去問下，可能會有意想不到嘅驚喜。

如果出發前就知道需要GoPro嘅話，可以預先租用！香港TravelLiker就有提供GoPro租借服務，價錢相當相宜！低至50蚊起，仲有GoPro Hero 4 (Black Edition)俾你揀，無壓力拍4K，更盡情更清晰地記錄每刻激情。

資料來源：BusinessInsider

---