韓國,美食,早餐,必食,Isaac,正直的金老師,本粥

【2019 韓國早餐推薦】必食韓式早餐五大推薦

Winnie 21 Jan 2019 42049 編:vivien

5

【2019 韓國早餐推薦】必食韓式早餐五大推薦

 

老土咁講:一日之計在於晨。去就算幾趕行都好,都要食個地道靚早餐,嘆番個good morning,全日都精力充沛啲!今次同大家總結左三間店,全部都方便,非常易搵,唔洗擔心去完早餐店冇時間去其他啦!

 

本粥 본죽

本粥呢間店由花樣男子時期開始受歡迎,皆因佢就係劇中女主角打工嘅粥店。本來對韓國粥冇咩興趣,一來食慣粥店口味,二來佢賣相唔算十分吸引。但有次去韓國,本粥正正係對面,所以冇咩期望咁入左去試。照住正常劇情發展,果然一試愛上。韓國粥唔似我地平時食嘅咁流質,口感「杰」好多,但亦因為咁食落好有滿足感。而且粥十分足料,我叫左一碗辣魷魚粥,基乎啖啖都食到魷魚,而且有嘅鮮味,好好食!至於我到底有幾愛本粥?就係首爾又食去到都要再食><

(粥嘅選擇好多,本人有海鮮的,比用肉類煮的更鮮味,口感更豐富。如果想清淡少少可以揀唔辣或者野菜,一樣好味)

(韓國食咩都會跟小菜,連食粥都有,其中紅色個碟雖然唔太舍係咩,但連埋粥一齊食好香好夾)

 

正直的金老師 바르다김선생

如果有睇韓國超人回來了,入面大韓民國萬歲食到停唔到嘅餃子店就係呢間 -正直的金老師,入面主要賣同紫菜飯卷,而三胞胎最愛就係佢嘅餃子。試完就明白點解佢地會咁愛餃子,因為餡料由排骨肉製成,好滑,而且調味帶甜,最岩小朋友口味,另外餃子皮好煙韌,唔會一夾就爛,加上食落唔油膩,唔覺意就會食哂成籠。除左餃子,店入面嘅紫菜飯卷都出名,亦有麵食提供,但我覺得冇咩特別,就唔多介紹了。

(見佢地食得咁開心,我都想一齊食呀!)

 

超人氣Isaac

Isaac可以話係韓國最嘅早餐選擇,可以話係冇人唔知,而係街到都好易搵到Isaac嘅分店。簡單黎講,佢就係專賣三文治,有好多唔同口味可選,選完後店家會即製三文治,所以次次食都熱辣辣,令漏足感大增。另外,Isaac通常都好多料,再加埋佢地自家製嘅醬,令到味道更豐富。但要Isaac分店大部分店面好細,有D仲冇提供座位,想舒服咁食嘅朋友就未必太岩。另外溫馨提示少少,佢醬汁口味偏甜,如果唔太鐘意甜味嘅朋友可以叫佢落少D醬。

(超多選擇)

 

飯卷天國 김밥천국

飯卷天國是韓國最大型的平價連鎖餐廳,主要賣不同口味的飯卷,也有韓國、餃子等韓式。因為係大型連鎖店,基本上大部分地區都搵到佢,趕行程冇時間慢慢食早餐,可以點一份外帶的飯卷,好味又飽肚。另一重點就是飯卷天國價錢非常平民,一個飯卷最平₩ 1,500就有,想要豐富一點都是價錢都是₩2,500至₩5,000左右,好抵食!

 

Dunkin Donuts

Dunkin Donuts是品牌,1994年在韓國開業後人氣一直好高,仲請左唔少人氣韓星如李敏鎬、李光洙等做代言人。係韓國各地有成500間分店,可以話係「梗有一間係左近」。除左冬甩,朝早想飲番杯嘅朋友都可以試試Dunkin Donuts

的咖啡,評價都唔錯。

因為唔少車站都有Dunkin Donuts分店,所以要早起去搭Dunkin Donuts係一個好好嘅選擇!

 

店舖地址:

平時介紹食店一定要附埋地址,點解今次冇?因為上面五間都係韓國連鎖店,有過百間分店,基本上、梨花女大、等地都有分店,只要出發前search下,或者問問下榻嘅或者民宿,應該都唔難搵到。而且店內都會有中文或英文菜單,點野食冇難度!

 

作為參考(但只得韓文):

本粥官網: http://www.bonjuk.co.kr/brand/menu_list3.asp?spart=1

正直的金老師官網: http://www.teacherkim.co.kr/barda_main.php?userAgent=PC

飯卷天國官網: http://www.kimbab1009.com/

Dunkin Donuts官網: http://www.dunkindonuts.co.kr/

 

(圖片取自網絡) 

 

* 圖片來自網絡,如有侵權,請聯繫我們刪除/加注明

相關內容更多>

編輯精選更多>

韓國自由行攻略行程:首爾-明洞, 韓國著名的購物街(含購物美食指南)

韓國自由行攻略行程,呢一站黎到首爾嘅明洞,明洞喺首爾其中一個最著名嘅購物街。街上嘅店鋪以售賣各類護膚品同時裝等,可以話喺女士去到首爾必去嘅地方。明洞人流量非常誇張,可以高逹過百萬人流量一日。

TravelLiker

30 May 201834553
新加坡自由行攻略旅程:新加坡環球影城

新加坡自由行攻略旅程,首選當然是新加坡聖淘沙島炮兵大道8號的新加坡環球影城啦!

TravelLiker

17 Aug 201811816